ST. ANDREWS………… 0 QORMI……………………. 2
St. Andrews: M. Calleja Cremona, D. Jackson (A. Friggieri 41’), A. Borg, T. Blagrove, J. Walker, K. McFarlane (J. Farrugia 66’), R. Martin, K. Magro, M. Woo Ling, M. Davis, K. Reid
Qormi: D. Cassar, R. Romao, A. Abela, J. Lokando, L. Santana, M. Micallef, Y. Yankam, M. Reggis (M. Borg 76’), W. De Oliveira (N. Ghio 84’), F. Gnindokponou, M. Bangoura (T. Gusman 53’)
Imwissija: K. Magro 55’, R. Martin 58’ (S), J. Lokando 66’, F. Gnindokponou 97’ (Q)
Skorjaw: T. Gusman 80’, F. Gnindokponou 97’ (Q)
Referee: Malcolm Spiteri
Assistenti Referees: Jurgen Spiteri, Paul Apap
Il-Mument Plejer tal-logħba: Martin Davis (St. Andrews)
Qormi għadhom jemmnu li jistgħu jsalvaw posthom fil-Kampjonat Premier wara li kisbu tliet punti importanti f’rebħa ta’ 2-0 kontra St. Andrews. Is-sitwazzjoni tagħhom xorta għadha diffiċli iżda b’dawn il-punti qed jaraw xaqq ta’ tama li jistgħu jagħmlu miraklu sportiv.
Din kienet it-tielet rebħa għalihom fl-aħħar ħames logħbiet u rnexxielhom ukoll jinqalgħu mill-aħħar post tal-klassifika. Fuq in-naħa l-oħra, din kienet il-ħames telfa fl-aħħar sitt logħbiet u issa ilhom mit-8 ta’ Diċembru ma jiksbu rebħa fil-kampjonat.
Bidu tajjeb minn Qormi li wara ħames minuti kienu perikolużi bi free-kick ta’ Mateus Reggis li kien salvat tajjeb minn Matthew Calleja Cremona. Il-Qriema kellhom ċans ieħor tajjeb mal-kwarta logħob meta Malela Bangoura ħa vantaġġ minn żelqa tad-difensur Adrian Borg, iżda l-attakkant żelaq ukoll u tilef il-kontroll tal-ballun.
Erba’ minuti mit-tmiem tal-ewwel taqsima, St. Andrews kellhom okkażjoni b’xutt għar-rokna ta’ Kemar Reid li kien imdawwar f’korner minn David Cassar. It-tim ta’ Johann Scicluna kien għoddu mar minn fuq fil-bidu tat-tieni taqsima meta Martin Davis qabeż lil Cassar iżda l-gowl kien imħassar għal offside.
Qormi baqgħu solidi fid-difiża. Għajr azzjoni ta’ St. Andrews fit-63 minuta meta Jacob Walker naqas li jolqot mill-viċin free-kick ta’ Matthew Woo Ling, St. Andrews ma kinux ta’ periklu għal Cassar.
Il-Qriema marru fil-vantaġġ fit-80 minuta Jordy Lokano rċieva kross ta’ Freud Gnindokponou, u tefa’ kross fil-kaxxa lejn is-sostitut Tensior Gusman li għeleb lil Calleja Cremona b’daqqa ta’ ras. Ir-reazzjoni ta’ St. Andrews kważi fissret il-gowl tad-draw fil-ħin miżjud. Minn free-kick tas-sostitut Joseph Farrugia, kien David Cassar li dawwar f’korner daqqa ta’ ras tad-difensur Travis Blagrove.
St. Andrews pruvaw isalvaw il-logħba lejn it-tmiem iżda spiċċaw biex sofrew it-tieni gowl fl-aħħar sekondi. Kien korner ta’ St. Andrews lejn it-tmiem, id-difiża ta’ Qormi biegħdet il-periklu u spiċċaw ħolqu kontrattakk, b’FREUD GNINDOKPONOU javvanza waħdu u skorja f’lasta vojta.
