Meqjusa waħda mill-akbar traġedji fl-aħħar snin – ħadd ma salva wara li ajruplan tal-passiġġieri Boeing 737 tal-linja Ethiopian Airlines iġġarraf kmieni dalgħodu.
It-traġedja seħħet sitt minuti wara t-tluq tal-ajruplan hekk kif abbord kien hemm mal-150 passiġġier li kienu sejrin mill-belt Etijopjana ta’ Addis Ababa lejn Nairobi.
L-ajruplan Boeing kien l-istess mudell bħal dak li waqa’ fl-Indoneżja f’Ottubru li għadda; it-titjira JT610 tal-Lion Air.
Il-kumpanija qalet li t-titjira ET302 iġġarfet qrib il-villaġġ ta’ Bishoftu, sitt minuti biss wara li ħalliet il-mitjar. Ftit tal-ħin wara imbgħad kien hemm konferma li n-nies kollha fuq l-ajruplan tilfu ħajjithom. Apparti l-passiġġieri, kien hemm 8 membri tal-ekwipaġġ.
Il-persuni abbord kienu ġejjin minn 33 pajjiż differenti – fosthom 18-il Kanadiż, 8 Taljani, 8 Brittaniċi, 7 Franċiżi u 3 Russi.
Filwaqt li din il-linja tal-ajru għandha reputazzjoni tajba ferm fejn tidħol is-sigurta’ – dan il-Boeing huwa relattivament ġdid hekk kif ingħaqad mal-flotta tal-Ethiopian Airlines lura fl-2016.
Intant, fost dawk li esprimew sogħba wara din l-aħbar kerha, kien hemm il-President tal-Kenja.
The Office of the PM, on behalf of the Government and people of Ethiopia, would like to express it’s deepest condolences to the families of those that have lost their loved ones on Ethiopian Airlines Boeing 737 on regular scheduled flight to Nairobi, Kenya this morning.
— Office of the Prime Minister – Ethiopia (@PMEthiopia) March 10, 2019
Preżenti fuq is-sit tat-tiġrif kien hemm ukoll il-Kap Eżekuttiv tal-linja tal-ajru hekk kif esprima s-sogħba kbira għat-telf tal-passiġġieri li l-mewt ħasdithom ħabta w sabta. Huwa saħaq li l-kaptan tal-ajruplan kien informa lit-torri tal-kontroll li kien hemm il-ħtieġa li jdur lura minħabba xi ħsara teknika madanakollu li nżul ma laħaqx twettaq fil-ħin.
