BALZAN………………. 0 GŻIRA UNITED………………. 0
Balzan: S. Mintoff, I. Bozovic, A. Kosoric, E. Serrano Valero, S. Bezzina (L. Micallef 89’), N. Sljivic, P. Fenech, U. Ljubomirac, S. Pisani (A. Majdevac 73’), R. Correa, A. Effiong
Gżira: J. Haber, J. Corbalan, G. Conti, C. Gatt Baldacchino, S. Borg, N. Muscat, Z. Scerri, A. Cohen, E. Bilbao Zarate, J. Mengolo (M. Beerman 70’), H. Garba
Imwissija: E. Bilbao Zarate 26’, N. Muscat 64’ (G)
Referee: Philip Farrugia
Assistenti Referees: Luke Portelli, William Debattistaa
In-Nazzjon Plejer tal-logħba: Nikolai Muscat (Gżira United)
Attendenza: 552
Gżira United joħorġu l-aktar kuntenti fid-draw ta’ 0-0 kontra Balzan minħabba li żammew id-distakk li kellhom fuq Sliema Wanderers filwaqt li Balzan baqgħu distakkati minn ta’ fuqhom fis-seba’ post.
Il-kowċ ta’ Gżira Jesmond Zerafa kellu jgħaddi mingħajr l-assenza ta’ diversi plejers fosthom Roderick Briffa u Rodolfo Soares, b’Gianmarco Conti jkun utilizzat fil-qalba tad-difiża. Il-logħba kienet nieqsa mill-azzjonijiet minkejja li ż-żewġ timijiet pruvaw jiskorjaw il-gowl importanti iżda t-tnejn naqsu li jinfdu liż-żewġ difiżi li kienu dixxiplinati.
Balzan ħolqu l-ewwel azzjoni denja wara 13-il minuta meta minn kross mil-lemin, Alfred Effiong impenja lil Justin Haber b’daqqa ta’ ras fil-baxx, bil-gowlkiper Gżirjan idawwar f’korner bi bravura. Gżira wieġbu fil-31 minuta b’xutt fil-baxx minn barra l-kaxxa ta’ Nikolai Muscat li ġie salvat minn Sean Mintoff. Qabel tmiem l-ewwel taqsima, free-kick ta’ Andrew Cohen għadda barra.
Gżira kważi ħadu vantaġġ minn żball tal-avversarji fid-49 minuta meta Bozovic niżżel lura qasira bir-ras, iżda Sean Mintoff kien attent u blokka fil-ħin qabel Haruna Garba. Balzan kellhom ċans tad-deheb fis-66 minuta meta Paul Fenech fetaħ tajjeb fuq il-lemin lejn Steve Pisani li mill-kaxxa kkrossja fil-baxx lejn Uros Ljubomirac iżda minkejja li kkontrolla l-ballun minn qagħda ideali, spara għoli.
Gżira pprotestaw għal penalty fis-87 minuta għal kuntatt fil-kaxxa bejn Haruna Garba u Nenad Sljivic li r-referee Philip Farrugia ħalla l-logħob għaddej fost il-protesti ta’ Gżira. Ftit sekondi wara, Justin Haber salva lit-tim tiegħu meta dawwar f’korner xutt b’saħħtu ta’ Ricardo Correa.
