PIETÀ H……………….. 0 FLORIANA…………… 2
Pietà: N. Vella, T. Ose, C. Grech, A. Machedo Neto, J. Artiaga, D. Agius, I. Jalo (J. Ghio 62’), U. Umeh, J. Busuttil (J. Scicluna 81’), G. Mensah, P. Chimezie (N. Pisani 73’)
Floriana: I. Akpan, A. Cini, E. Ruiz, J. Pisani, A. Oyama, E. Marcelina, B. Paiber (E. Herrera 81’), U. Arias (C. Borg 69’), L. Vieira da Silva (T. Vella 60’), K. Keqi, T. Galvao sa Silva
Imwissija: I. Jalo 31’, P. Chimezie 60’ (P)
Skorjaw: B. Paiber 63’, E. Marcelina 71’ (F)
Referee: Eman Grech
Assistenti Referees: Alan Camilleri, Darko Stankovic
In-Nazzjon Plejer tal-logħba: Emerson Marcelina (Floriana)
Floriana kisbu t-tielet riżultat pożittiv meta għelbu lil Pietà Hotspurs 2-0 biex komplew jitbiegħdu anki mill-post tal-play-off. Fuq in-naħa l-oħra, għal Pietà din kienet il-11-il telfa konsekuttiva li biha komplew jersqu lejn ritorn fl-Ewwel Diviżjoni hekk kif donnu jonqos biss il-matematika biex tikkundannahom.
Minkejja li kienu aħjar speċjalment f’nofs il-grawnd, Floriana naqsu li jinfdu lid-difiża ta’ Pietà u kellhom ikunu żewġ gowls f’nofs it-tieni taqsima li għamlu d-differenza.
Il-Furjaniżi ħolqu l-ewwel attakk wara erba’ minuti meta Nicky Vella dawwar f’korner xutt ta’ Lucas Vieira da Silva. L-ewwel ċans ta’ Pietà wasal wara 35 minuta meta Paul Chimezie prova azzjoni personali iżda l-plejers Furjaniżi rnexxielhom jimblokkaw fil-ħin qabel seta’ jikkonkludi.
Qabel tmiem l-ewwel taqsima, Brandon Paiber mar viċin iżda Vella kien attent biex salva tajjeb. Floriana fetħu t-tieni taqsima fuq l-attakk ukoll bil-gowlkiper ta’ Pietà jdawwar f’korner xutt ta’ Ulises Arias.
Floriana meritatament fetħu l-iskor fit-63 minuta b’xutt djagonali fil-baxx ta’ BRANDON PAIBER li għeleb lil Vella. Ir-reazzjoni ta’ Pietà waslet erba’ minuti wara b’xutt ta’ Chimezie li għadda ftit abrra. Iżda Floriana għalqu l-logħba fil-71 minuta. Minn korner, Pietà biegħdu parzjalment iżda l-ballun waqa’ għand EMERSON MARCELINA ma ta l-ebda ċans lil Nicky Vella b’xutt sabiħ mill-ewwel.
L-unika ċans ta’ Pietà sa tmiem il-logħba wasal lejn l-aħħar b’xutt tajjeb ta’ Uchenna Umeh li kien imdawwar f’korner minn Ini Akpan.
