Illum jasal it-tim nazzjonali Spanjol
Għada filgħaxija nistennew li naraw Ta’ Qali ippakjat għat-tieni logħba tat-tim nazzjonali Malti fil-kwalifikazzjoni tal-EURO 2020. Dan hekk l-erbgħa stands tal-istadium huma kompletament sold-out.
L-antiċipazzjoni għal-logħba kontra Spanja qed ngħixuha fi klima immarkata minn entużjażmu kbir wara r-rebħa kontra l-Gżejjer Faroe. Biss, l-Ispanjoli huma realta’ differenti.
Minkejja dan, kif spjegaw ilbieraħ waqt il-programm Replay l-eks kowċ nazzjonali Pippo Psaila u l-ġurnalist sportiv George Micallef, hija l-attitudni li tħoll u torbot.
It-tim nazzjonali Spanjol jasal Malta aktar tard illum.
Wara nofsinhar mistennija l-ewwel sessjoni ta’ taħriġ fl-Istadium Nazzjonali Ta’ Qali.
