Hekk kif il-Prim Ministru tar-Renju Unit Theresa May għamlet l-aħħar attentat tagħha sabiex tipprova tipperswadi lid-deputati japprovaw parti mid-deal ta’ Brexit, il-House of Commons ivvutat kontra dan il-ftehim.
Il-vot ittieħed għall-ħabta tat-3:30pm.
Id-deputati ġew msejjħa jivvutaw fuq il-ftehim tal-ħruġ mill-UE. Il-Ministri tal-Gvern insistew li dan il-vot kien kruċjali biex jiġi evitat Brexit bla ordni ta’ xejn.
Il-vot m’għaddiex b’344 kontra u 286 favur.
Issa is-sitwazzjoni tant ikkumplikat ruħha li kellu jissejjaħ summit urġenti tal-UE. Il-mexxejja Ewropej se jiltaqgħu fl-10 ta’ April, fuq insistenza ta’ Donald Tusk.
