Gowl fid-90 minuta jtellef żewġ punti lil Hibernians

HIBERNIANS………. 1 MOSTA………………… 1

Hibernians: M. Jovicic, D. Vella, M. Barbosa Da Silveira, J. Mbong, M. Dias, B. Kristensen, I. Ntow (C. Zammit 90’), T. Marcolino (T. Tabone Desira 73’), M. Sahanek (A. Spiteri 87’), A. Agius, T. Fonseca

Mosta: A. Vella, J. Ekani, G. Cuomo, D. Bonnici, D. Xuereb (Z. Brincat 64’), R. Morisco, D. Angan N’Guessan, T. Farrugia, F. Franchini, A. Roach, J. Cisotti (J. Brincat 78’)

Imwissija: T. Farrugia 27’, F. Franchini 66’ (M), B. Kristensen 42’, J. Mbong 90’ (H)

Skorjaw: T. Marcolino 40’ (H), J. Brincat 90’ (M)

Tkeċċa: M. Dias 41’ (H)

Referee: Glen Tonna

Assistenti Referees: Luke Portelli, William Debattista

Il-mument Plejer tal-Logħba: Taylon Marcolino (Hibernians)

Attendenza: 539

Rapport: Luke Micallef

Hibernians tilfu żewġ punti importanti fit-taqtigħa għar-rebħ tal-kampjonat meta spiċċaw fi draw ta’ 1-1 kontra Mosta. Huma jinsabu punt taħt Valletta iżda l-Beltin jilagħbu llum b’possibbiltà li d-distakk jikber għal erba’ punti.

F’Novembru tas-sena l-oħra, il-logħba tal-ewwel rawnd bejn il-Pawlisti u l-Mostin kienet spiċċat 4-0 favur Hibernians iżda l-istorja ta’ din il-logħba kienet differenti hekk kif saħansitra Hibernians lagħbu għal ħin twil bi plejer anqas.

L-ewwel azzjoni denja ta’ nota waslet fis-sitt minuta. Tyrone Farrugia kkommetta fawl ftit barra mill-kaxxa Mostija. Marco Sahanek inkariga mill-free-kick u laqat il-lasta l-minduda ta’ Andreas Vella. Hibernians komplew jagħfsu u mal-kwarta logħob, Bjorn Kristensen għadda l-ballun lil Sahanek li ra x-xutt tiegħu jgħaddi ftit barra mil-lasti Mostin.

Mas-26 minuta logħob, Mosta kienu viċin li jiftħu l-iskor. Juri Cisotti xxuttja u laqat il-lasta x-xellugija ta’ Hibernians bil-ballun baqa’ sejjer barra. Fl-40 minuta Hibernians fetħu l-iskor meta TAYLON NICO MARCOLINO beda ħarba min-nofs il-grawnd, qabeż tliet plejers Mostin u tefa’ l-ballun wara Vella.

Iżda ftit wara meta l-logħob kien għadu wieqaf, Hibernians kellhom ikomplu l-logħba meta Marcelo Dias ntwera l-karta l-ħamra mir-referee Glen Tonna wara kuntatt ma’ plejer avversarju.

B’inferjorità numerika, Hibernians kienu ferm viċin li jirduppjaw fit-52 minuta. Sahanek qassam lil Marcolino iżda għamel l-impossibbli u xeħet barra. Erba’ minuti wara Mosta kellhom gowl imħassar għal offside. Żewġ minuti wara Dunstan Vella laqat il-lasta Mostija bil-ballun spiċċa barra.

Mosta komplew jattakkaw u kien fid-90 minuta li l-isforzi tagħhom ssarrfu f’gowl importanti għalihom. Tyrone Farrugia laqat il-lasta, bil-ballun niżel għand is-sostitut ta’ Mosta JAMES BRINCAT li b’xutt b’saħħtu tefa’ l-ballun fix-xibka fost id-diżappunt tal-Pawlisti.