TARXIEN RAINBOWS…………. 2 SENGLEA ATHLETIC ………… 2
Tarxien: M. Buhagiar, J. Wemmer, D. Zerafa, D. Mambouana, J. de Paixao, M. Botta (M. Spiteri 60’), G. Aquilina, A. de Barros, M. Tabone (S. Eddin Arab 53’), R. Faria, A. Nilsson
Senglea: M. Farrugia, Z. Cassar (K. Cutajar 77’), A. Mrsulja, C. Sammut (G. Camilleri 57’), T. Marukawa, D. Venancio, J. Leyton, M. Garcia, N. Mitic (B. Schembri 77’), L. Grech, A. Caseres
Imwissija: M. Botta 20’, M. Spiteri 76’, S. Eddin Arab 88’)
Skorjaw: G. Aquilina 11’, R. Faria 54’ (T), J. Leyton 24’, L. Grech 88’ (S)
Referee: Mario Apap
Assistenti Referees: Alan Camilleri, Thomas Debono
Il-mument Plejer tal-logħba: Ricardo Faria (Tarxien Rainbows)
Id-draw bejn Tarxien Rainbows u Senglea Athletic jgħin liż-żewġ timijiet fit-tentattiv li jsalvaw posthom kif ukoll jevitaw il-play-off, iżda kif żvolġiet il-logħba Tarxien iħossuhom li tilfu żewġ punti minn ħalqhom.
Għal Tarxien dan kien it-tieni riżultat utli konsekuttiv wara li fil-ħames logħbiet preċedenti kienu ħarġu telliefa. It-tim tal-Isla wkoll ġabar erba’ punti fl-aħħar żewġ logħbiet biex komplew it-tieni rawnd fenomenali tagħhom hekk kif issa kisbu 17-il punt.
Matthew Farrugia kien l-ewwel gowlkiper impenjat fil-logħba meta wara biss tliet minuti salva xutt ta’ Jens Wemmer u tliet minuti wara laqtu l-lasta permezz ta’ Jackson de Paixao b’Alex Nilsson jara d-daqqa ta’ ras tiegħu tgħaddi fuq il-lasta.
It-tim ta’ Jose Borg meritatament mar fil-vantaġġ fil-11-il minuta. Kienet azzjoni ta’ Ricardo Faria mix-xellug li daħal fil-kaxxa u tefa’ kross fil-baxx lejn GABRIEL AQUILINA li mattar siequ u għeleb lil Farrugia. Huma setgħu rduppjaw erba’ minuti wara iżda Faria falla bi ftit il-kross ta’ Wemmer.
Senglea ġabu d-draw fl-24 minuta bi kross perfett ta’ Leighton Grech lejn JULIAN LEYTON li minn qagħda tajba għeleb lil Maverick Buhagiar. Huma saħansitra kienu qrib il-gowl tal-vantaġġ ftit wara n-nofs siegħa logħob b’xutt b’saħħtu minn free-kick ta’ Diego Venancio li kien salvat parzjalment minn Buhagiar iżda mir-rebound Leighton Grech ixxuttja għoli.
Tarxien reġa’ kellhom bidu tajjeb għat-tieni taqsima u reġgħu ħadu l-vantaġġ fl-54 minuta. RICARDO FARIA reġa’ spikka din id-darba meta ħa vantaġġ minn żball difensiv u għeleb lil Farrugia b’xutt fil-kantuniera wara ħarba tajba.
Ir-reazzjoni ta’ Senglea waslet fis-66 minuta b’xutt tas-sostitut Gary Camilleri li kien imdawwar f’korner b’mod brillanti minn Maverick Buhagiar. Fit-82 minuta, xutt ta’ Taisei Marukawa ġie blokkat f’korner mil-plejers avversarji.
Senglea ma qatgħux qalbhom u kienu ppremjati fit-88 minuta meta LEIGHTON GRECH għeleb lil Buhagiar b’xutt fil-baxx mill-kaxxa, bil-gowlkiper Tarxiniż ma jkollu l-ebda ċans isalva. Grech seta’ skorja l-gowl tar-rebħa lejn it-tmiem iżda din id-darba x-xutt kien salvat minn Buhagiar.
