Tottenham se jkunu qed iħarsu li jibnu r-ritmu wara l-ewwel logħba fl-istaġun il-ġdid tagħhom, bil-manager Mauricio Pochettino jittama li l-partitarji joħolqu atmosfera sabiħa. L-istadium li jilqa’ fih 62,062 spettatur għamel id-debutt tiegħu l-Erbgħa li għadda fir-rebħa li Tottenham kellhom fuq Crystal Palace fil-Premier League.
Tottenham se jkunu mingħajr Eric Dier, Erik Lamela u Serge Aurier, bit-tliet plejers kollha tħarrġu waħedhom ilbieraħ. Fernando Llorente jinsab lura fl-iskwadra wara li tilef l-aħħar logħba kontra Crystal Palace.
Sergio Aguero ta aħbar pożittiva lil Manchester City hekk kif jista’ jkun inkluż fit-tim ta’ Pep Guardiola llum. Aguero ilu ma jilgħab minn meta weġġa’ fir-rebħa ta’ 2-0 kontra Fulham. Id-difensuri tal-linja Kyle Walker u Benjamin Mendy ukoll għandhom ikunu għad-dispożizzjoni.
Dan hu l-ewwel konfront Ewropew bejn Tottenham u Manchester City, iżda City rebħu 11 mill-aħħar 16-il konfront. Fatt interessanti hu li Manchester City tilfu l-erba’ logħbiet kontra avversarji Ingliżi.
