Sliema Hotsticks rebħu l-aħħar logħba tal-kampjonat wara li għelbu faċilment lil White Hart 7-0 u issa jistennew l-aħħar logħba taċ-champions Qormi Daikin kontra Rabat il-ġimgħa d-dieħla. Jekk Qormi jirbħu l-konfront, ikun hemm bżonn decider biex jintrebaħ il-kampjonat.
Il-gowls fir-rebħa Slimiża waslu minn doppjetta kull wieħed ta’ Charlo Sammut u Silas Plaehn u gowl kull wieħed minn Jonathan Borg, Ryan Dalli u Ryan George.
Fil-logħba l-oħra, Rabat ħasdu lil Floriana Young Stars b’rebħa missielta ta’ 3-2. Din kienet l-ewwel rebħa għal Rabat fuq tim li jinsab fuqhom fil-klassifika. Kienu Floriana li marru fil-vantaġġ wara nofs siegħa permezz ta’ Jamie Mifsud iżda l-vantaġġ ma tantx dam jitgawda, b’Shawn Dimech iġib id-draw għar-Rabtin ftit wara, bl-ewwel taqsima tintemm 1-1.
Mario Galea tefa’ lil Rabat minn fuq fit-18-il minuta tat-tieni taqsima u tliet minuti mit-tmiem Dimech skorja t-tieni gowl personali. Floriana Young Stars naqqsu d-distakk minuta mit-tmiem għal darba oħra permezz ta’ Jamie Mifsud.
Logħob li jmiss
Il-Ħadd 28 ta’ April
Qormi v Rabat 9.00am, Floriana Young Stars v White Hart 11.00am
Kif Jinsabu
L R D T F K Pti
Hotsticks 12 9 2 1 43 7 20
Qormi 11 8 2 1 48 17 18
Floriana 11 4 2 5 24 22 10
Rabat 11 4 0 7 12 30 8
White Hart 11 0 0 11 1 52 0
