Lokali

“Joseph Muscat ma jitwemminx meta jgħid li huwa l-underdog” – PN

Il-Partit Nazzjonalista fi stqarrija qal li Joseph Muscat ma jistax jitwemmen meta jgħid li huwa l-underdog u lanqas meta jgħid li jsegwi l-istandards Ewropej.

Dan meta jibqa’ jinjora rapporti internazzjonali u Ewropej li qegħdin b’mod ċar jikkundannaw lill-Gvern Soċjalista, li ħataf l-istituzzjonijiet b’theddida għad-demokrazija ta’ pajjiżna, u meta kulħadd jaf li l-Partit Soċjalista jibda b’vantaġġ finanzjarju qawwi meta juża propjetajiet u finanzi tal-poplu għall-kampanja tiegħu.