Stompers Re/Max għalqu l-istaġun fuq nota pożittiva meta wara li rebħu l-kampjonat, rebħu wkoll il-finali tal-MeDirect Cup wara li għelbu lil Kavallieri 29-12. Għalihom din kienet is-seba’ finali konsekuttiva, bl-unika diżappunt tagħhom tkun it-telfa fis-Super Cup Ray Elliot kontra Overseas f’Novembru li għadda.
Minn dakinhar, it-team ma kienx megħlub bi plejers ta’ esperjenza bħal Matthew Spiteri, Dragan Cerketa, Richard Gum, Matthew Camilleri, Malcolm Attard u Jeremy Debattista jiffurmaw il-bażi tat-tim. Kavallieri ma rnexxielhomx jiksbu l-unur li kisbu tmien snin ilu, għalkemm Kavallieri b’xi mod neħħew ftit id-diżappunt tal-aħħar żewġ staġuni. Iż-żewġ timijiet iltaqgħu erba’ darbiet dan l-istaġun, b’Stompers dejjem joħorġu fuq in-naħa rebbieħa iżda d-distakk bejn it-tnejn naqas drastikament.
Stompers marru minn fuq wara disa’ minuti bi try ta’ Matt Camilleri, bi try u conversion ta’ Richard Gum tliet minuti wara tagħmel l-iskor 12-0. Kavallieri daħlu fil-logħba fis-27 minuta bi try ta’ Eduard Toderika, iżda try ta’ Keith Azzopardi u conversion ta’ Gum kabbret id-distakk għal 14-il punt fl-34 minuta. Madankollu try ta’ Branton Bonello u conversion ta’ Darren Edmunds qabel tmiem l-ewwel taqsima.
Fit-tieni taqsima, Stompers kabbru l-vantaġġ f’nofs it-taqsima bi try ta’ Gary Hili, biex Malcolm Attard għamilhom 29-12. Fl-aħħar minuti, Kavallieri pruvaw inaqqsu d-distakk iżda d-difiża ta’ Stompers kienet b’saħħitha.
