Raġel jinsab fil-periklu tal-mewt f’inċident fil-Belt Valletta għall-ħabta tal-4.45pm.
L-inċident seħħ fi Triq San Pawl hekk kif għal xi raġuni raġel Ingliż ta’ 50 seba residenti tas-Sliema waqa’ lura fuq vettura li kienet qed tistaq. Il-vettura kienet misjuqa minn raġel ta’ 27 sena residenti Ħal Qormi.
Għadu mhux magħruf x’wassal għal dan l-inċident.
Fuq il-post issejħet ambulanza li ħadet lill-vittma l-Isptar Mater Dei sabiex jingħata l-kura meħtieġa. Aktar tard hu ġie ċċertifikat li qed isofri minn ġrieħi serji.
L-investigazzjoni tal-Pulizija dwar dan l-inċident għadha għaddejja.
