HIBERNIANS…………. 69 STARLITES GIG……….. 73
(18-9, 25-21, 15-30, 11-13)
Hibernians: E. Micallef, E. Cassar (7), S. Brincat (6), I. Agius, J. Abela, S. Abela (10), A. Simmons (28), N. Farrugia, H. Al Tumi, K. Caruana, L. Duncan (18)
Starlites: M. Zammit Cordina (4), K. Galea (11), M. Riolo (2), S. Farrugia, M. Bonett (8), G. Reynoso (12), C. Curmi (12), H. Ackerman, P. Arguello (24), M. Cutajar, S. Davies, A. Lupi
Referees: B. Vassallo, T. Mantre u D. Torok
Starlites GIG għelbu liċ-champions renjanti Hibernians fil-ħames konfront u dak deċiżiv biex rebħu l-kampjonat tan-nisa għall-ewwel darba fl-istorja tagħhom. Din il-logħba kien fiha minn kollox b’kull tim ikollu żewġ sessjonijiet li kien l-aħjar tim. It-tielet waħda spikkat minħabba li plejer fuq kull naħa spiċċaw imkeċċija minħabba żewġ fawls mhux sportivi.
Starlites kellhom lil Josephine Grima mweġġa’ u t-tul tagħha nħass minħabba li Hibernians bdew jieħdu l-maġġoranza tat-rebounds. Kienu Hibernians li kellhom l-aħjar bidu u marru 7-2 minn fuq, b’Starlites inaqqsu d-distakk għal punt. Hibernians spiċċaw 18-9 fil-vantaġġ wara li kkontrollaw l-attakki tal-avversarji li bdew jippruvaw jiksbu l-punti miż-żona. Hibernians komplew ikabbru l-vantaġġ tagħhom għal 41-24. Starlites dehru nervużi speċjalment Patricia Arguello li anki ngħatat fawl tekniku talli sabtet il-ballun. Minkejja kollox, Starlites tjiebu ftit ftit qabel il-mistrieħ hekk kif bdew jikkonkludu minn barra ż-żona u naqqsu l-iżvantaġġ għal 13-il punt.
Wara l-mistrieħ, Starlites ħarġu aktar determinatiu naqqsu d-distakk għal tmien punti u saħansitra marru 52-48 minn fuq. Hibernians irkupraw minn dan il-perjodu u qasmu l-logħob sat-tmiem is-sessjoni u bdew l-aħħar perjodu żewġ punti minn taħt.
Arguello li kienet qed tagħmel ħsara lid-difiża ta’ Hibernians, ġiet mogħtija t-tieni fawl mhux sportiv u tkeċċiet. Hibernians ħadu vantaġġ mill-ewwel u marru 69-63 ħames minuti mit-tmiem. Wara time-out mitlub minn Starlites, huma marru basket minn fuq bi tliet minuti għat-tmiem. Duncan spiċċat barra bit-tieni fawl mhux sportiv u għalkemm Starlites fallew tliet free-throws, Hibernians ma ħadux vantaġġ u temmew it-tamiet tagħhom meta tilfu l-aqwa skorer tagħhom Amelia Simmons bil-ħames fawl.
