Tasal il-konferma, jekk qatt kien hemm bżonn, li s-Soċjalista Frans Timmermans irid jimponi rata ta’ taxxa armonizzata ta’ 18% fil-pajjiżi kollha tal-Unjoni Ewropea. Dan jista’ jaffettwa direttament diversi familji u negozji f’Malta.
L-istqarrija ta’ Timmermans waslet waqt dibattitu li sar l-Erbgħa bejn il-kandidati tal-gruppi politiċi li qed jikkontestaw l-elezzjonijiet tal-MEPs. L-akbar grupp politiku fil-Parlament Ewropew ikun qed jeleġġi l-President tal-Kummissjoni Ewropea, u jekk jirbħu s-Soċjalisti ta’ Muscat…bla dubju li dan ikun Frans Timmermans.
