Anestetista Franċiż qed jiġi akkużat li vvelena pazjenti waqt interventi mediċi b’tali mod li wassal biex dawn il-pazjenti jsofru minn attakki tal-qalb biex imbagħad jipprova jerġa jġibhom lura minn xifer il-mewt biex joħroġ ta’ eroj.
F’disgħa minn dawn l-okkażjonijiet, hu falla u l-pazjenti tilfu ħajjithom.
Maġistrati li qed jinvestigaw sabu evidenza li jorbtu lit-tabib Frederic Pechiers ma’ 24 minn 66 każi ta’ inċidenti suspettużi fil-klinika fejn kien jipprattika.
Is-suspett huwa li Pechier kien jinjetta dożi letali ta’ potassium chloride jew anesteżija waqt interventi żgħar.
It-tabib ta’ 47 qed jiċħad l-akkużi, iżda l-prosekuzzjoni talbet li jinżamm taħt arrestat.
