Adrian Delia kunfidenti u konvinċenti. Għat-tieni dibattitu konsekuttiv, wara l-programm Xtra, anke fil-programm organizzat mill-Awtorità tax-Xandir il-Kap tal-PN kien kunfidenti u konvinċneti, u deher ċar li kien qed jissetja hu l-aġenda, bil-Prim Ministru jirreaġixxi għalih.
Joseph Muscat naqas milli jwieġeb fuq għadd ta’ temi, fosthom meta Adrian Delia staqsih dwar il-wegħda fil-manifest elettorali tas-Soċjalisti li jkun hawn taxxa waħda fl-Ewropa kollha li tkun deċiża minn Brussell.
Filwaqt li l-Kap tal-Partit Nazzjonalista insista fuq il-bżonn li naħdmu flimkien biex pajjiżna jimxi ‘l quddiem, Muscat kien biss kapaċi jikkritika u jmur lura fis-snin, minflok iħares ‘il quddiem u mingħajr ma joħroġ bi proposti b’rabta mal-elezzjoniijet tal-Parlament Ewropew.
Mistoqsi dwar l-aktar rapport reċenti dwar il-Gvern Malti maħruġ mill-Kunsill tal-Ewropa, il-Prim Ministru għażel li jattakka u jirredikola lil din l-istituzzjoni għolja billi jgħid li dan ma kienx rapport kredibbli u qal li istituzzjonijiet serji ma jaħdmux hekk.
Dan ir-rapport, li ġie ppubblika it-Tlieta, huwa l-aħħar minn sensiela ma tispiċċa qatt ta’ rapporti li ħarġu fl-aħħar snin u li jelenkaw ħafna nuqqasijiet kbar fosthom is-sens ta’ impunità, il-poteri assoluti f’idejn il-Prim Ministru, it-tnaqqir tal-libertà tal-espressjoni u n-nuqqas ta’ azzjoni serja dwar ħasil ta’ flus.
Meta kkonfrontat b’dan ir-rapport, Joseph Muscat implika li l-Kunsill tal-Ewropa mhijiex istituzzjoni serja.
Tul id-dibattitu ġiet diskussa wkoll it-tma tal-immigrazzjioni anke b’rabta mal-qtil ta’ Lassana Cisse fejn hawnhekk Adrian Delia għamel dikjarazzjoni ta’ zero tolerance kontra r-razziżmu.
Pożizzjoni li ilu li ħa u li wasslitu biex jiffirma protest ġudizzjarju kontra l-pushbacks. U li Muscat kien kritikah dwarha. Adrian Delia qal li l-pożizzjoni tal-Partit Nazzjonalista kontra ir-razziżmu hi ċara, u esprima t-thassib tiegħu dwar il-qtil ta’ Lassana Cisse u x’wassal għal dan.
Kien hawn li hu staqsa dwar wieħed mis-suldati li ġew arrestati dwar dan il-qtil u dwar il-kawża li kellu kontrih qabel dahal fl-armata, b’Muscat jirrifjuta li jgħid x’kienu l-akkużi kontrih f’dan il-każ. Minkejja dawn l-akkużi, is-suldat inżamm fl-armata. Kien hawn fejn hu staqsu lill-Prim Ministru jekk jafx x’kienu l-akkużi, bil-Prim Ministru jaħrab milli jwieġeb.
Temi oħra diskussi tul dan id-dibattitu kienu t-trasport, il-biedja, il-kriżi fil-qasam tas-saħħa, u anke Għawdex li intesa għal sitt snin sħaħ mill-Gvern.
//= $special ?>