Il-kampanja elettorali għall-MEPs u l-Kunsilli Lokali tiġi fi tmiemha llejla, b’dawk li għadhom ma ġabrux il-vot tagħhom għandhom ċans sa nofs il-lejl biex jiġbru d-dokument li bih ikunu jistgħu jivvutaw – wieħed tal-Kunsilli u ieħor tal-Parlament Ewropew.
Il-kampanja elettorali tal-PN tagħlaq b’Rally li se ssir illejla fis-7pm quddiem id-Dar Ċentrali. Din ir-Rally se tkun indirizzata mill-Kap tal-PN Adrian Delia.
Wara, Net TV u Net FM jibqgħu għaddejjin b’xandiriet live, intervisti u informazzjoni mill-Uffiċċju Elcom sal-ħin ta’ nofsillejl. Dan il-programm speċjali se jkun preżentat minn Amy Borg u Sergio Mallia.
