L-Awstraljan sid numru 36 Nick Kyrgios ħabbar li rtira mill-Open ta’ Franza minħabba li ma jiflaħx. Kyrgios kien skedat li jilgħab fl-ewwel rawnd kontra Cameron Norrie bil-Britanniku Elliot Benchetrit. Din l-aħbar waslet wara li t-tennist ta’ 24 sena kiteb fuq il-media soċjali li l-kompetizzjoni mhix ta’ livell b’rispett mat-tliet Grand Slams l-oħra.
Il-ġimgħa l-oħra, Kyrgios ammetta li l-emozzjonijiet ġrew bih wara li ħareġ mil-logħba tat-tieni rawnd fl-Open tal-Italja kontra Casper Ruud. Dakinhar hu sabbat ir-racket, tefa’ siġġu fil-court, qabad l-affarijiet u ħareġ mil-logħba. Din se tkun it-tieni sena konsekuttiva li Kyrgios mhux se jilgħab fl-Open ta’ Franza wara li s-sena l-oħra kien weġġa’ l-minkeb. Hu qatt ma qabeż it-tieni ġimgħa ta’ logħob f’Pariġi.
