Raġel ta’ 60 sena qed isofri minn ġrieħi gravi wara li intlaqat mill-karozza li kien qiegħed isuq hekk kif ħareġ minnha.
L-inċident seħħ għall-ħabta tat-7.45 ta’ dalgħodu fi Triq ix-Xatt, il-Kalkara meta għal xi raġuni l-vettura ċċaqalqet, bir-raġel, residenti Marsaskala jispiċċa taħtha.
Fuq il-post issejħet ambulanza li ħadet lir-raġel l-Isptar Mater Dei għal kura.
L-investigazzjoni tal-Pulizija dwar dan l-inċident għadha għaddejja.
