Hekk kif illum wasalna fit-tieni jum tal-għadd tal-voti tal-Kunsilli Lokali, b’kollox hemm 21 lokalità x’jiġu deċiżi.
f’isem il-PN
22.40 Il-Partit Nazzjonalista żamm il-maġġoranza fil-lokalità tal-Imġarr hekk kif Paul Vella ġie konfermat Sindku ta’ din il-lokalità. Dan wara li l-PN kiseb 58.6% tal-voti mitfugħa.
22.36 Justin Schembri huwa l-minority leader il-ġdid tal-Partit Nazzjonalista f’Birkirkara, wara li l-Partit Laburista żamm il-maġġoranza ta’ din il-lokalità b’7-6.
22.20 Dominanza Nazzjonalista fi-lokalità ta’ Tas-Sliema hekk kif il-PN żamm il-maġġoranza b’10 kandidati kontra 3 tal-Partit Laburista. Anthony Chircop ġie rikonfermat bħala Sindku tal-lokalità Slimiża filwaqt li Graziella Attard Previ hija ġiet eletta bħala Viċi Sindku.
22.17 Mario Calleja ġie konfermat Sindku ta’ Marsaskala wara li l-PL żamm il-maġġoranza tal-Kunsill Lokali ta’ Wied il-Għajn. John Baptist Camilleri u Errol Cutajar huma ż-żewġ kandidati eletti f’isem il-Partit Nazzjonalista.
22.13 Pierre Dalli ġie konfermat Sindku tal-lokalità tal-Fgura hekk kif il-Partit Laburista żamm il-maġġoranza f’dan il-Kunsill Lokali. Għan-nom tal-Partit Nazzjonalista ġew eletti Charles Bonello u Mark Lombardo.
22.05 Joseph Buttigieg u Anna Calleja huma ż-żewġ kandidati eletti fil-Kunsill Lokali ta’ Ħaż-Żabbar għan-nom tal-Partit Nazzjonalista.
21.59 Bħal ma’ kien mistenni, il-Partit Laburista żamm il-maġġoranza tiegħu fi-lokalità ta’ Cospicua, b’Alison Zerafa Civelli tiġi konfermata Sindku. Fil-lokalità Bormliża għall-Partit Nazzjonalista ġie elett James Cauchi.
21.58 Il-Partit Nazzjonalista żamm żewġ siġġijiet fil-Kunsill Lokali f’Tal-Pietà li l-PL żamm il-maġġoranza tiegħu. Keith Tanti ġie kkonfermat Sindku, filwaqt li għan-nom tal-PN ġew eletti Josef Fitzpatrick
21.56 Trevor Fenech huwa s-Sindku l-ġdid ta’ San Ġwann wara li -Partit Laburista kiseb il-maġġoranza f’din il-lokalita b’differenza miżera ta’ 87 vot fuq il-Partit Nazzjonalista li kiseb 49.4% tal-voti.
21.45 Sandro Craus huwa s-Sindku l-ġdid tar-Rabat, Malta għan-nom tal-Partit Laburista. Għall-Partit Nazzjonalista ġew eletti Ian Mario Vassallo, Nazju Cassar u Karl Muscat.
21.39 Jorge Grech huwa s-Sindku l-ġdid ta’ Ħaż-Żabbar wara li għal darb’oħra l-Partit Laburista kiseb il-maġġoranza tiegħu f’din il-lokalità.
21.27 David Apap ġie konfermat bħala Sindku tal-Kunsill Lokali tal-Għarb f’isem ‘Għarb L-ewwel’. Għall-Partit Nazzjonalista l-unika wieħed elett f’din il-lokalità huwa l-kandidat Louis Apap.
21.22 Il-Partit Nazzjonalista kiseb 59% maġġoranza tal-voti fil-Kunsill Lokali tar-Rabat Għawdex, kontra l-41% tal-PL.
21.15 Il-Partit Laburista żamm il-maġġoranza fil-Kunsill Lokali ta’ Raħal Ġdid hekk kif Dominic Grima ġie konfermat Sindku. Għan-nom tal-Partit Nazzjonalista ġew eletti Ivan Bartolo u Rita Delezio.
21.10 Fil-lokalità ta’ Tas-Sliema l-Partit Nazzjonalista jidher li żied fil-voti b’xejn inqas minn 5% meta ċ-ċifri ġew mqabbla mal-elezzjoni tal-2013.
21.08 Il-Partit Laburista żamm il-maġġoranza fil-lokalita Ta’ Sannat – Phillip Vella ġie konfermat Sindku għal dan il-lokal Għawdxi. Għan-nom ta-Partit Nazzjonalista ġie elett il-kandidat Joseph Bajada.
20.54 Josef Schembri ġie elett bħala s-Sindku ġdid għar-Rabat, Għawdex. Dan hekk kif il-Partit Nazzjonalista żamm il-maġġoranza fil-Belt Victoria.
20.48 Il-Partit Laburista żamm il-maġġoranza tal-lokalità tal-Imsida 5-4. Minkejja li l-kandidat għall-PN, Charles Selvaggi, l-kandidat li ġab l-aktar voti – xorta waħda l-PL żamm il-maġġoranza.
20.45 Fix-Xagħra Għawdex il-PL żamm il-maġġoranza fejn l-unika kandidat elett għall-Partit Nazzjonalista huwa Kevin Cutajar, l-aktar kandidat li ġab voti f’din il-lokalità.
20.44 Fl-aħħar waqt jidher li l-Partit Laburista żamm il-maġġoranza fil-lokalità tal-Imsida.
20.43 Joanne Debono Grech konfermata bħala Sindku ta’ Birkirkara hekk kif il-PL żamm il-maġġoranza fil-lokal Karkariż.
20.34 Darren Abela ġie elett bħala Sindku ta’ Ħal Għaxaq wara li l-PL żamm il-maġġoranza f’din il-lokalità. Għall-Partit Nazzjonalista ġiet eletta Rose Agius.
20.05 Steven Grech ġie elett bħala s-Sindku ta’ Marsaxlokk wara li l-Partit Laburista rnexxielu jżomm il-maġġoranza f’din il-lokalità. Il-kandidata eletta għal-Partit Nazzjonalista hija Janice Chetcuti.
19.50 Marija Sara Vella ġiet eletta Sindku tal-lokalità tal-Gudja f’isem il-Partit Laburista. Għall-PN ġew eletti Mark Anthony Sammut u Stefan Caruana.
19.44 Mill-aħħar informazzjoni jidher li l-Partit Laburista rnexxielu jżomm il-maġġoranza fil-lokalita ta’ Birkirkara.
19.39 Wayne Aquilina huwa s-Sindku l-ġdid tal-Kalkara għan-nom tal-Partit Laburista. Maria Sultana hija l-unika kunsilliera eletta għall-Partit Nazzjonalista f’din il-lokalità.
19.37 Il-Partit Nazzjonalista kiseb 66% ta-voti fil-lokalità ta’ Ħal Lija.
19.34 Jidher li l-Partit Laburista kiseb il-maġġoranza fil-lokalitajiet tal-Imsida u l-Kalkara – għalkemm s’issa r-riżultat għadu ma ġiex uffiċjalizzat.
19.32 Jidher li fir-Rabat, Malta – l-aktar kandidat popolari f’din il-lokalità huwa Sandro Craus li x’aktarx jirritorna bħala Sindku f’isem il-Partit Laburista.
19.25 Minn hawn u ftit ieħor mistenni riżultat tal-Belt Victoria – fejn mill-ewwel indikazzjonijiet ser jiġi konfermat li l-Partit Nazzjonalista ser iżid u jsaħħaħ il-maġġoranza fil-Kapitali Għawdxija.
19.16 Anthony Dalli laħaq uffiċjalment bħala s-Sindku l-ġdid ta’ Ħal Lija wara żmien twil iservi bħala Sindku tal-Iklin.
19.08 Mill-ewwel indikazzjonijiet jidher li l-Partit Laburista ser iżomm il-Kunsill tar-Rabat, Malta.
19.04 Il-Partit Nazzjonalista jidher li ser iżomm il-maġġoranza fl-Imġarr u Wistin Vella jidher li huwa l-aktar kandidat popolari.
19.03 Mill-aħħar indikazzjonijiet jidher li l-Kunsill Lokali ta’ San Ġwann intrebaħ mill-Partit Laburista.
19.01 Kollox qed jindika li l-Partit Nazzjonalista ser iżomm il-maġġoranza fil-Kunsill Lokali tal-Belt Victoria, u saħansitra jista’ jiġi rreġistrat distakk notevoli favur il-PN.
18.56 Mill-ewwel indikazzjonijiet jidher li fil-lokalità Tal-Pietà, il-Partit Nazzjonalista mistenni jtella’ siġġu wieħed biss. Dan filwaqt li mistenni jiġi konfermat is-Sindku attwali tal-Partit Laburista Keith Tanti.
18.55 Fil-lokalità ta’ Birkirkara l-kandidat Justin Schembri jidher li ħa l-akbar ammont ta’ voti għall-PN.
18.54 L-indikazzjonijiet tal-voti qed juru li fuq Tas-Sliema, fost l-aktar kandidati popolari għall-Partit Nazzjonalista hemm Anthony Chircop u Graziella Attard Previ.
18.53 Mill-ewwel indikazzjonijiet jidher li l-ex Sindku ta’ Ħal Lija Anthony Dalli ser ikun elett fuq Ħal Lija.
18.50 Il-lokalità ta’ Birkirkara, minkejja li l-voti kienu missielta, jidher li mill-ewwel indikazzjonijiet ser jibqa’ miżmum mill-Partit Laburista – għalkemm s’issa il-proċess għadu mhux magħluq.
18:45 Mill-aħħar rapporti li qed jidħlulna jidher li l-Partit Laburista mistenni jżomm il-maġġoranza fl-Imsida u f’Tal-Pietà.
18:42 Mill-ewwel indikazzjonijiet jidher li l-lokalitajiet ta’ Tas-Sliema, Rabat (Għawdex), Imġarr u Ħal Lija jidher li l-Partit Nazzjonalista ser iżomm it-tmexxija tiegħu madanakollu s’issa għad fadal numru ta’ kaxxi x’jinfetħu
