Żagħżugħ ta’ 25 sena qed isofri ġrieħi gravi wara li kien aggredit
ilbieraħ filgħaxija f’Santa Venera.
Fi stqarrija l-Pulizija qalet li l-każ seħħ għall-ħabta tat-8.30pm fi Triq il-Fawwara.
Ma ngħatat l-ebda informazzjoni dwar din l-allegata ġlieda ħlief li saret fl-imsemmija triq.
Iż-żagħżugħ, li huwa mill-Bangladesh, ittieħed l-isptar Mater Dei b’ambulanza, fejn kien iċċertifikat li sofra ġrieħi gravi.
