SLIEMA FRANK SALT………. 14 EXILES ELIA CATERERS…… 7
(2-3), (1-3), (6-0), (5-1)
Rimonta mill-aqwa fit-tielet sessjoni ppremjat lil Sliema Frank Salt li kisbu t-tieni rebħa fil-grupp tagħhom. Exiles kellhom bidu pożittiv iżda naqsu li jkunu effettivi u sofrew rimonta li skont l-andament tal-logħba ftit dehret possibbli.
Backhand ta’ Milos Vukicevic fetħet l-iskor favur Exiles u wara li Nicholas Bugelli ġab id-draw, doppjetta ta’ Marko Jelaca għamlet l-iskor 3-1. Gavril Subotic skorja darbtejn bejn l-ewwel u t-tieni sessjoni biex għamel l-iskor indaqs, iżda Exiles permezz ta’ Marko Jelaca u doppjetta ta’ Mark Fenech daħlu jistrieħu 6-3 fil-vantaġġ.
Sa dak il-ħin, il-vantaġġ ta’ Exiles kien meritat iżda ma kienx previst li t-tim ta’ Igor Vukanovic ikollu kollass totali. Mertu wkoll ta’ Sliema li ħarġu aktar determinati u emmnu li setgħu jirkupraw. Fit-tielet sessjoni huma skorjaw sitt gowls mingħajr risposta permezz ta’ doppjetti ta’ Norbert Hoznyansky u Jerome Gabarretta, Nicholas Bugelli u Michael Spiteri Staines.
Exiles ma kellhomx reazzjoni lanqas fl-aħħar sessjoni u Sliema għalqu l-logħba b’erba’ gowls oħra, filwaqt li Hoznyansky skorja minn penalty wara li Timmy Sullivan skorja l-uniku gowl għal Exiles f’żewġ sessjonijiet.
Sliema: J. Parnis, J. Gabarretta (3), G. Subotic (3), J. Sciberras, M. Meli (1), N. Hoznyansky (3), M. Spiteri Staines (2), L. Galea, B. Cachia, J. Gambin, Z. Mizzi, N. Bugelli (2), M. Vassallo, K. Borg, J. Cachia
Exiles: M. Castillo, M. Stellini, A. Magri, M. Jelaca (3), T. Sullivan (1), S. Xerri de Caro, M. Fenech (2), K. Griscti, M. Vukicevic (1), A. Cousin, N. Paris, P. Paris, M. Martin, S. Apap
Referees: Massimo Angileri, Andrea Barletta
Neptunes jirbħu logħba bla storja
NEPTUNES LEO VEGAS…… 21 TA’ XBIEX AMIGOS………….. 4
(7-0), (3-1), (5-3), (6-0)
Kif mistenni ċ-champions Neptunes Leo Vegas ma sabux diffikultà biex għelbu lil Ta’ Xbiex Amigos 21-4. Il-logħba kienet dominata minn Neptunes li sal-ewwel sessjoni kienu diġà skorjaw seba’ gowls u li ma kienx għar-rotazzjoni kbira li għamel il-kowċ Jovan Popovic fit-tim, l-iskor kien ikun ferm akbar. Ta’ Xbiex ftit setgħu jagħmlu aħjar hekk kif it-tim hu magħmul minn plejers żgħażagħ mislufin li ħafna minnhom huma ta’ Sliema.
Is-seba’ gowls skorjati fl-ewwel sessjoni waslu minn doppjetti tas-soliti Petar Muslim, Darko Brguljan u Stevie Camilleri bil-gowl l-ieħor jasal minn Jordan Camilleri. Fit-tieni sessjoni bdiet ir-rotazzjoni fit-tim bi plejers bħal Nikolai Zammit, Jake Muscat u Matthias Azzopardi jkollhom aktar ħin. Ta’ Xbiex skorjaw l-ewwel gowl tagħhom minn penalty ta’ Nenad Kacar.
Fit-tielet sessjoni daħal ukoll il-gowlkiper ta’ riserva Benji Busuttil, b’Ta’ Xbiex ikollhom oppożizzjoni aktar żagħżugħa quddiemhom. Neptunes xorta rebħu s-sessjoni, l-istess kif għamlu fl-aħħar waħda. Stevie Camilleri baqa’ jsib ix-xibka anki minn penalties biex spiċċa l-aqwa skorer tal-logħba b’disa’ gowls.
Neptunes: A. Borg Cole, N. Lanzon, K. Erdogan (1), G. Pace, P. Muslim (3), D. Brguljan (1), S. Camilleri (9), J. Camilleri (2), J. Abela, N. Zammit (2), J. Muscat (2), M. Azzopardi, B. Busuttil, S. Busuttil (1), J. Farrugia
Ta’ Xbiex: Z. Sciberras, M. Demarco, M. Carani, G. Blundell, D. Fenech, N. Saliba, N. Kacar (3), S. Azzopardi, K. Tanti (1), N. Gitto, A. Theuma, J. Saliba, M. Mifsud
Referees: Mario Dalli, Massimo Calabro
