Il-Kummissarju għar-Refuġjati rċieva 2,131 applikazzjoni għall-protezzjoni internazzjonali fl-2018, 15.9% aktar mill-2017.
L-Uffiċċju Nazzjonali tal-Istatistika qal li 16-il inżul ta’ dgħajjes ġew irreġistrati f’Malta b’1445 persuna miġjuba fix-xtut ta’ Malta. Il-maġġoranza, 80.1 fil-mija, kienu Afrikani, il-bqija Ażjatiċi.
Matul is-sena eżaminata, 79 ċittadin ta’ pajjiż terz ġew risistemati lejn pajjiż ieħor – tnaqqis ta’ 54.3% fuq l-2017. 22 oħra bbenefikaw minn programmi ta’ ritorn volontarju assistiti.
Meta jitqiesu applikazzjonijiet għal kull miljun popolazzjoni, Malta kklassifikat it-tielet fost il-pajjiżi tal-UE, wara Ċipru u l-Greċja. Il-maġġoranza tal-applikazzjonijiet, 60.2 fil-mija, tressqu mill-Afrikani.
Meta jitqiesu pajjiżi individwali fir-rigward tal-applikazzjonijiet totali għall-ażil, l-akbar proporzjon ta’ applikanti kienu Sirjani (22.8%). 15 fil-mija oħra u 14.5 fil-mija kienu Somali u Libjani, rispettivament.
Total ta’ 1,500 applikazzjoni ġew ipproċessati fl-2018 b’43.1 fil-mija ngħataw deċiżjoni pożittiva fl-ewwel istanza. L-applikazzjonijiet l-oħra ġew miċħuda. Aktar minn nofs l-applikanti li ngħataw forma ta’ status ta’ protezzjoni kienu Afrikani u 37.8 fil-mija kienu Asjatiċi. L-applikanti taw forma ta’ protezzjoni fis-sena eżaminata – 35.3 fil-mija kienu Sirjani filwaqt li 34.5 fil-mija kienu Libjani.
Żieda ta’ 30.5 fil-mija kienet irreġistrata fil-popolazzjoni residenti ta’ ċentri miftuħa u djar istituzzjonali oħra meta mqabbla mas-sena preċedenti. Il-maġġoranza ta’ din il-popolazzjoni kienet f’Ħal Far (71.9%). L-akbar sehem ta’ residenti kienu rġiel (77%) filwaqt li 13.8 fil-mija u 13 fil-mija kienu s-Sudan u s-Somalja, rispettivament.
