Id-darbtejn rebbieħ tal-NBA Kevin Durant se jiffirma ma’ Brooklyn Nets wara tliet staġuni ma’ Golden State Warriors. Il-plejer ta’ 30 sena se jingħaqad mat-tim il-ġdid tiegħu wara li jintemm il-perjodu tal-plejers bla klabbs fis-6 ta’ Lulju.
Rapporti fil-media internazzjonali qed jgħidu li l-kuntratt ta’ erba’ snin għandu valur ta’ €144 miljun. Durant rebaħ żewġ kampjonati konsekuttivi mal-Warriors fl-2017 u fl-2018 filwaqt li rebaħ l-aqwa plejer tal-finali tal-play-offs fiż-żewġ okkażjonijiet.
Fil-ħames logħba tal-finali tal-NBA kontra Toronto Raptors, Durant irritorna wara xahar nieqes. Iżda hu weġġa’ serjament fl-istess logħba u jista’ jitlef l-istaġun 2019/20. Durant kien ingħaqad ma’ Oklahoma City Thunder fl-2016 u f’dawn it-tliet snin kellu medja ta’ 25.8 punt, 7.2 rebounds u 5.4 assists.
