Dalgħodu kompla s-summit tal-UE illi fih il-mexxejja għandhom jagħżlu min se jkun l-isem li jmexxi l-Kummissjoni Ewropea għall-ħames snin li ġejjin. Is-summit ġie aġġornat għal-lum wara li f’laqgħa maratona li bdiet il-Ħadd, baqa’ ma ntlaħaq l-ebda qbil.
Jidher illi huma b’kollox 11 il-pajjiżi li qed jopponu għall-isem tas-Soċjalista Frans Timmermans.
Fost dawk li qed jopponu lil Timmermans hemm anke l-Italja.
