Il-Kottonera qed tkompli tikkonferma kemm għandha għal qalbha l-isport tar-regatta meta s-Sibt li ġej fl-4.30 p.m. fil-bajja tar-rinella l-Kalkara, tkun qed issir ir-regatta annwali taż-żgħażagħ.
Ghal din ir-regatta ser jikkompetu tliet klabbs li huma Bormla, l-Isla w il-Kalkara. F’din ir-regatta jkunu jistghu jieħdu sehem zgħaħagħ min tmintax -il sena l-isfel. Din is-sena se jikkompeti qaddief ta’ età tenera, dik ta’ tnax -il sena. L-iżgħar qaddief li kkompeta f’dan il-logħob.
Uħud min dawn il-qaddiefa huma ġodda għal dan l-isport, pero hemm oħrajn li diġa ħadu sehem anke fil-kategorija B, kemm f’Marzu kif ukoll f’Settembru u oħrajn li meta kienu iżgħar kienu jkunu tmuniera tal-frejgatini waqt ir-regatta nazzjonali. Se jkun hemm ħames tiġrijiet kif isir dejjem u wara l-aħħar tiġrija ssir il-preżentazzjoni tal-midalji lill-qaddiefa kif ukoll it-tazzi w ix shield lill-klabb rebbieħ.
