Francis Zammit Dimech se jkun iċ-chairperson li se jmexxi dan il-proċess
Il-Kap tal-PN sejjaħ Kunsill Ġenerali straordinarju sabiex fih issir diskussjoni miftuħa dwar it-triq ‘il quddiem għall-Partit Nazzjonalista.
Dan ħareġ mil-laqgħa tal-Eżekuttiv tal-PN illi saret fid-Dar Ċentrali, fejn ġiet diskussa l-petizzjoni li tressqet minn numru ta’ kunsillieri l-ġimgħa li għaddiet.
Adrian Delia spjega li qed isejjaħ dan il-Kunsill Ġenerali hu għall-ġid tal-partit.
Il-Kunsill Ġenerali qed jissejjaħ taħt Artiklu 30. Dan ifisser li l-Kunsill Ġenerali qed ikun imsejjaħ mill-Kap tal-PN innifsu.
Il-Kumitat Eżekuttiv tal-PN għażel lil Francis Zammit Dimech bħala chairperson li se jmexxi dan il-proċess.
Il-Kunsill Ġenerali Straordinarju se jsir fis-27 ta’ Lulju.
