Lokali

L-Air Malta takkuża lill-ALPA b’cover up

Wara li l-Qorti lbieraħ semgħet il-każ dwar it-tilwima industrijali bejn l-Air Malta u l-ALPA, l-Air Malta tenfasizza li l-kwistjoni mhix dwar allegat theddid minn uffiċjal tal-kumpanija lejn il-piloti.

Fi stqarrija l-linja tal-ajru Air Malta tafferma li din hija cover up min-naħa tal-ALPA, wara li rrealizzat li t-talbiet tagħha lill-Gvern ma kinux realistiċi.

Il-kumpanija rċeviet diversi komunikazzjonijiet minn uffiċjali tal-ALPA jinsitu biex il-Gvern jaqbel li jiggarantixxi 700.000 ewro lill-piloti kollha fl-età tal-irtirar jew jekk il-kumpanija tfalli.

L-istqarrija temmet tgħid li kull kwistjoni oħra hija biss skuża.