Tliet żgħażagħ Maltin u tlieta oħra barranin ġabru mijiet ta’ sigaretti li kienu qed iniġġsu l-bajja ta’ Għajn Tuffieħa.
F’xemx taqli, dawn iż-żgħażagħ qattgħu siegħa u nofs iduru l-bajja u jiġbru kull sigarett li raw.
Matul dan il-ħin, huma rnexxielhom jiġbru biżżejjed sigaretti biex jimlew flixkun tad-9 litri ilma.
L-inizjattiva ‘Get the butts off the beach’ wasslet ukoll biex diversi persuni li kienu fuq il-bajja, u li huma wkoll ipejpu, jirrealizzaw kemm din il-problema ta’ tniġġis hi reali.
Filfatt studji juru li l-fdalijiet tas-sigaretti jniġġsu iktar lill-oċeani tagħna milli l-istraws jew basktijiet tal-plastik.
