L-isem Mario Balotelli, għal darb’oħra reġa’ fl-aħbarijiet, u għal darb’oħra mhux aħbarijiet li għandhom x’jaqsmu mal-football.
Din id-darba, it-Taljan ħallas bartender li ltaqa’ miegħu, €2,000 biex dan tal-aħħar jsuq għal ġol-baħar b’mutur – xi ħaġa li Balotelli tefa’ fuq l-Instagram tiegħu – Dan ġara f’Mergellina, mal-kosta ta’ Napli.
Is-sewwieq qal li l-mutur tiegħu kien jiswa €600 u għalekk iddeċieda li jagħmel l-imħatra.
Din pero ħolqot kontroversja għaliex faċilment seta’ inħoloq inċident kif ukoll ħsara fil-baħar.
Għadu mhux ċert jekk Balotelli huwx ser ikollu jaffaċja ġustizzja fil-qorti minħabba din l-imħatra.
