EXILES ELIA CATERERS………… 12 MARSAXLOKK BROWN’S……….. 15
(2-4), (3-3), (2-4), (5-4)
Tasal l-ewwel rebħa ta’ Marsaxlokk Brown’s Pharmacy fil-Kampjonat Premier. Rebħa ta’ 15-12 fuq Exiles Elia Caterers li tkompli tikkonferma l-progress li għamel dan it-tim taħt it-tmexxija ta’ Joe Cremona. Protagonist għal darba oħra r-Russu Ivan Nagaev li skorja xejn anqas minn seba’ gowls u għalhekk kien strumentali fir-rebħa Xlukkajra. Dan ir-riżultat hu diżappuntanti għal Exiles hekk kif issa jinsabu fil-qiegħ tal-klassifika.
Kien biss fil-bidu li Exiles kellhom il-vantaġġ fil-konfront, b’Keith Galea, Julian Rizzo Naudi minn man-up u Andrija Vlahovic idawru l-iskor. Marsaxlokk temmew l-ewwel sessjoni 4-2 minn fuq iżda sal-ewwel żewġ minuti tat-tieni sessjoni kienu fetħu vantaġġ ta’ 7-2.
Exiles irnexxielhom jidħlu fil-logħba fit-tieni parti tas-sessjoni b’gowls ta’ Milos Vukicevic, Marko Jelaca u Timmy Sullivan biex qatgħu d-distakk għal żewġ gowls. Ħafna ħasbu li Marsaxlokk kienu se jibdew iċedu fit-tielet sessjoni iżda żewġ gowls minn man-up tal-barranin Vlahovic u Nagaev għamlu l-iskor 9-5.
Exiles reġgħu kellhom jiġru wara l-logħba u naqqsu d-distakk għal żewġ gowls permezz ta’ penalty ta’ Marko Jelaca u Vukicevic. Iżda Marsaxlokk kienu attenti biżżejjed u fl-aħħar minuta u 20 sekonda reġgħu skorjaw darbtejn oħra biex bdew l-aħħar sessjoni 11-7.
Fl-aħħar sessjoni, Exiles baqgħu ma ħadux kontroll tal-logħba, b’Marsaxlokk jibqgħu reattivi biex iżommu vantaġġ komdu, distakk li żammewh sat-tmiem.
Exiles: M. Castillo, M. Stellini, A. Magri, M. Jelaca (2), T. Sullivan (4), S. Xerri de Caro, M. Fenech (2), K. Griscti, M. Vukicevic (3), A. Cousin, N. Paris (1), P. Paris, M. Martin, S. Apap
Marsaxlokk: R. Coleiro, J. Rizzo Naudi (2), L. Calleja, M. Rizzo, T. Agius (1), J. Galea, A. Vlahovic (4), I. Nagaev (7), S. Micallef, R. Scerri, M. Pace, O. Zammit, F. Buhagiar, M. Pace, K. Galea (1)
Referees: Ronnie Spiteri, Andrea Zedda
L-EWWEL DIVIŻJONI
TA’ XBIEX AMIGOS………….. 9 MARSASKALA FISH AND FISH……… 15
(3-2), (2-5), (1-4), (3-4)
Marsaskala Fish and Fish kisbu tliet punti li bihom irritornaw għar-rebħ wara d-draw kontra Otters fl-aħħar konfront. Ir-rebħa kienet meritata għal Marsaskala bit-tielet sessjoni tkun determinanti biex setgħu jassiguraw ir-rebħa.
Marsaskala fetħu vantaġġ doppju fl-ewwel sessjoni minn penalty ta’ Kristijan Milakovic u xutt mid-distanza ta’ Konstantin Averka, iżda Ta’ Xbiex dawru r-riżultat b’doppjetta ta’ Jacob Saliba u Niccolo Gitto.
Fit-tieni sessjoni, Ta’ Xbiex kienu 5-3 minn fuq b’doppjetta ta’ Nenad Kacar wara li Luca Felice kien ġab id-draw momentarju għal Marsaskala. It-tim ta’ Dorian Pisani rnexxielu jagħmel rimonta b’gowls minn Felice, Milakovic u doppjetta ta’ Averka għal vantaġġ ta’ 7-5 qabel il-mistrieħ.
Huma rnexxielhom jieħdu kontroll tal-logħba fil-bidu tat-tielet sessjoni bil-gowls ta’ Averka u Jan Culic biex fetħu vantaġġ ta’ erba’ gowls. Mark Carani naqqas id-distakk minn pożizzjoni ċentrali iżda Milakovic u Averka bl-aħħar xutt tas-sessjoni prattikament għalqu l-logħba.
Ta’ Xbiex: Z. Sciberras, R. Greco, M. Demarco, N. Schiavone, M. Carani (1), S. Azzopardi, D. Fenech, N. Saliba, N. Kacar (2), G. Sammut, K. Tanti (1), N. Gitto (3), A. Theuma, J. Saliba (2)
Marsaskala: J. Micallef, J.C. Cutajar, A. Camenzuli, M. Manara (1), M. Aquilina, L. Grixti, K. Navarro, K. Milakovic (3), K. Averka (7), J. Culic (1), R. Attard, M. Borg, L. Felice (2), J. Ciantar (1)
Referees: Alex De Raffaele, Stefano Alfi
