Bdiet il-Maratona ġbir ta’ fondi ‘Oħloq Tbissima’ li qed issir ghas-17-il darba.
Il-ftuħ tagħha sar mill-President ta’ Malta, George Vella u l-Arċisqof ta’ Malta, Monsinjur Charles J. Scicluna.
Għal din is-sena, din il-Maratona se tkun qed tiġbor fondi għal persuni fqar fil-Peru. Fost id-diversi proġett li se jsiru f’dan il-pajjiż mill-missjunarji Maltin hemm il-bini ta’ skola, klinika, razzett u ma jistax jonqos ukoll li jinbnew djar minflok dawk tat-tafal li għandhom bħalissa.
Din is-sena se tkun waħda speċjali għal żewġ raġunijiet, kif spjegalna Fr. Louis Mallia.
Waqt din il-Maratona se jkun hemm esebizzjoni minn disa’ artisti, b’kull artist se jkun qed jgħati b’donazzjoni waħda mill-pitturi tiegħu biex jinbiegħu waqt il-Maratona ‘Ohloq Tbissima’.
Barra dan kollu, għal din il-Maratona se jkun hemm numru ta’ attivitajiet għaddejjin.
Il-Maratona se tibqa’ għaddejja sa tmiem din il-ġimgħa b’diversi attivitajiet differenti f’Dar San Ġużepp, Santa Venera.
