BIRŻEBBUĠA FREEPORT……….. 12 MARSASKALA FISH AND FISH…… 10
(7-2), (1-4), (2-3), (2-1)
Birżebbuġa Freeport telgħu momentarjament fil-quċċata tal-Ewwel Diviżjoni b’rebħa ta’ 12-10 fuq Marsaskala Transcripta. Kompliċi mar-rebħa li għamlu kienet l-ewwel sessjoni brillanti, għalkemm Marsaskala kienu attenti li baqgħu fil-logħba sal-aħħar.
Birżebbuġa fetħu vantaġġ komdu ta’ ħames gowls fl-ewwel sessjoni u wara li Luca Felice naqqas id-distakk, Christian Mifsud reġa’ skorja lejn it-tmiem għal skor parzjali ta’ 7-2. Mifsud skorja erba’ gowls f’din is-sessjoni.
Sa nofs it-tieni sessjoni, Birżebbuġa kien għad kellhom vantaġġ ta’ 8-3, iżda Marsaskala wettqu rimonta u baqgħu fil-logħba bi tliet gowls f’madwar minuta skorjati minn doppjetta ta’ Kristijan Milakovic u Konstantin Averka.
Milakovic saħansitra naqqas id-distakk għal gowl kmieni fit-tielet sessjoni. David Pace Lupi u Antonio Petkovic kabbru l-vantaġġ għal tliet gowls madankollu Milakovic u Rheinhard Attard żammew il-logħba miftuħa. Fl-aħħar sessjoni, Birżebbuġa rnexxielhom jikkontrollaw l-isforzi tal-avversarji u żammew iż-żewġ gowls distakk.
Birżebbuġa: D. Spiteri, N. Cassar, D. Pace Lupi (1), C. Mifsud (4), A. Petkovic (3), S. Vassallo, D. Cutajar, J. Bajada, A. Goreta (1), M. Ortoleva (3), J. Cremona
Marsaskala: J. Micallef, J.C. Cutajar, A. Camenzuli, M. Manara, M. Aquilina, L. Grixti, K. Navarro, K. Milakovic (5), K. Averka (2), J. Culic, R. Attard (1), D. Borg Millo, M. Borg, L. Felice (1), J. Ciantar (1)
Referees: Ronnie Spiteri, Fabio Brasiliano
