Raġel Sirjan ta’ 55 sena ngħata sentenza sospiża ta’ disa xhur ħabs wara li nstab ħati li iffastifja lil bintu u lil numru ta’ uffiċjali tal-Aġenzija Appoġġ.
Il-Qorti iżda, preseduta mill-Maġistrat Caroline Farrugia Frendo, ma sabitx lil Aswid Abdalla ħati ta’ theddid. Fil-fatt, hu kien qed jiġi akkużat li hedded
bl-użu ħażin ta’ mezzi elettroniċi ta komunikazzjoni, u permezz ta’ użu ta’ WhatsApp.
Is-Sirjan kien akkużat ukoll li hedded li se jagħmel xi reat, u li kiser protection order – liema akkużi ma nstabx ħati tagħhom.
Il-każ imur lura għas-Sajf ta’ sentejn ilu, iżda l-istorja kienet ilha għaddejja numru ta’ xhur. Fost dawk li taw ix-xiehda tagħhom kien hemm il-Kap Eżekuttiv tal-FSWS Alfred Grixti, li spjega kif is-Sirjan kien qiegħed jiffastidja lil bintu li tinsab taħt care order.
Grixti stqarr li Aswid ma kienx aggressiv fl-atteġjament tiegħu, iżda kien persistenti ħafna.
Fid-deċiżjoni tagħha, il-Qorti xorta poġġiet lill-imputat taħt ordni ta’ trażżin.
Għall-akkużat dehru l-avukati Veronica Anne Spiteri u Alison Wadge.
