Jum ieħor, u f’pajjiżna kellna wasla oħra ta’ immigranti. Dan hekk kif l-armata, ftit tal-ħin ilu, daħħlet f’pajjiżna grupp ta’ 76 immigrant.
Huma iddaħħlu f’Xatt it-Tiben għall-ħabta tas-6pm.
L-immigranti li ddaħħlu Malta illum huma kollha irgiel. Huma mistennija jittieħdu fiċ-Ċentru tal-Marsa … filwaqt li qed jissoktaw l-investigazzjonijiet minn naħa tal-Pulizija.
Mill-bidu tas-sena ‘l hawn f’pajjiżna daħlu aktar minn elf immigrant, ħafna minnhom persuni li sabu ruħhom f’diffikulta’ waqt li kienu qed jaqsmu lejn l-Ewropa b’mod klandestin.
Ritratti: Matthew Tabone
