46 persuna ġew arrestati waqt attività li saret matul il-lejl li għadda fil-Marsa, Unite with Tomorrowland hekk kif kienu nvoluti b’xi mod jew ieħor fid-droga.
L-Iskwadra ta’ Kontra l-Vizzju tad-Droga mpenjat ruħha f’ħidma għall-għarrieda biex sal-aħħar tal-lejl qabdet 46 persuna li kellhom konnessjoni mad-droga.
In-nazzjonalitajiet ta’ dawn in-nies tvarja kemm minn Maltin iżda wkoll Ewropej, Afrikani, Indjani, u Amerikani filwaqt li l-età tagħhom kienet bejn 16-il sena u 43 sena.
Fost id-droga li nstabet kien hemm ħaxixa u raża tal-Cannabis, Ecstasy, Kokajina u droga sintetika.
Dawn il-persuni ġew investigati u apparti dawk li diġa’ ħallsu l-multa, oħrajn mistennija jitressqu l-Qorti fil-jiem li ġejjin b’rabta ma’ pussess tad-droga.
L-investigazzjonijiet tal-Pulizija dwar dan il-każ għadhom għaddejjin.
