Il-Papa Franġisku kkonferma għal terminu ieħor ta’ tliet snin is-servizz li l-Arċisqof Mons Charles J. Scicluna jagħti bħala President tal-Kulleġġ fi ħdan il-Kongregazzjoni tad-Duttrina tal-Fidi biex ikunu deċiżi l-appelli fi proċessi dwar offiżi serji.
Il-Kap tal-Knisja f’Malta kien inħatar President ta’ dan il-Kulleġġ speċjali fi ħdan is-Santa Sede fil-21 ta’ Jannar 2015.
Fit-13 ta’ Novembru li għadda, il-Papa ħatar ukoll lill-Arċisqof Malti bħala Segretarju Aġġunt tal-Kongregazzjoni għad-Duttrina tal-Fidi.
Id-Digriet, maħruġ mis-Santa Sede fis-6 ta’ Ġunju li għadda, kien iffirmat mis-Segretarju tal-Istat, il-Kardinal Pietro Parolin.
