Ħaddiem ta’ 38 sena sofra ġrieħi serji hekk kif kien qed jaħdem b’magna u nqabditlu jdejh fiha. L-inċident seħħ għall-ħabta tal-4.40pm f’barriera fin-Naxxar.
Fuq il-post issejħet ambulanza li minnufih ħadet lir-raġel, residenti l-Mosta l-Isptar Mater Dei.
Bil-każ ġiet infurmata l-Maġistrat tal-Għassa Donatella Frendo Dimech li ħatret diversi esperti sabiex jassistuha fl-inkejsta li ġiet appuntata.
L-investigazzjonijiet tal-Pulizija għadhom għaddejjin.
