Erba’ atleti individwali, uffiċjal, kowċ u tim nazzjonali, kienu uffiċjalment preżentati b’assistenza finanzjarja minn Maltco Lotteries, wara s-suċċess tagħhom aktar kmieni din is-sena fl-Isport Malta Awards – Għażliet Sportivi Nazzjonali.
F’din is-serata ġew onorati l-aqwa atleti u uffiċjali lokali, li spikkaw kemm fix-xena lokali kif ukoll internazzjonali. Il-preżentazzjoni saret mill-Kap Eżekuttiv ta’ Maltco Lotteries Vasilev Kasiotakis fejn tenna li bħala kumpanija huma kommessi li jassistu lill-isport lokali.
Jakkumpanja lill-atleti u l-uffiċjali, kien hemm il-President tal-Għaqda Ġurnalisti Sports Sandro Micallef, is-Segretarju Ġenerali Lorraine Cunningham u l-Membru tal-Eżekuttiv Joanna Camilleri. Micallef irringrazzja lil Maltco Lotteries u lil Kasiotakis tal-impenn lejn l-organizzazzjoni. L-edizzjoni li jmiss tal-Isport Malti Awards – Għażliet Sportivi Nazzjonali, se tkun is-60 edizzjoni u se jkunu onorati dawk li jispikkaw matul din is-sena.
Il-preżentazzjoni mill-Maltco Lotteries saret lil dawn ir-rebbieħa:
Sportiv tas-Sena: Brian Galea – Sparar
Sportiva tas-Sena: Eleanor Bezzina – Sparar
Żagħżugħ tas-Sena: Kijan Sultana – Squash
Żagħżugħa tas-Sena: Sara Xuereb – Tenpin Bowling
Uffiċjal tas-Sena: Anna Calleja – Special Olympics
Kowċ tas-Sena: Karl Izzo – Waterpolo
Tim tas-Sena: Tim Nazzjonali Rġiel – Basketball
