Quddiemha, l-Awtorità tal-Ippjanar għandha għall-approvazzjoni applikazzjoni biex titqatta’ trinka wiesa fis-swar biex jinħoloq aċċess minn barra. L-applikant – L-Awtorità tal-Ippjanar innifisha.
Skont rapport li deher fuq Maltatoday, il-Case Officer qed jirrakkomanda li l-Awtorità tagħti l-awtorizzazzjoni tagħha għal din l-applikazzjoni li tinkludi fost l-oħrajn it-tqattigħ fis-swar biex jinħoloq aċċess għall-parkeġġ.
Ix-xahar li għadda, il-Kummissjoni fi ħdan din l-Awtorità talbet l-approvazzjoni tas-Superintendenza għall-Wirt Kulturali, li baqgħet siekta dwar din l-applikazzjoni.
Il-Case Officer fuq dan il-każ interpretha dan is-skiet bħala sinjal ta’ approvazzjoni minn naħa tas-Superintendenza.
L-NGO Flimkien għal Ambjent Aħjar wissiet li l-approvazzjoni ta’ din l-applikazzjoni tkun qed toħloq preċedent biex min irid jibda jqatta fis-swar, iqatta’.
Is-swar ta’ pajjiżna huma binjiet skedati Grad 1.
