Ir-Russu Daniil Medvedev irnexxielu jirbaħ l-ewwel titlu Masters 1000 wara li għeleb fil-finali lil David Goffin 7-6, 6-4 fil-finali tal-Masters ta’ Cincinnati. Din kienet it-tielet finali tiegħu fi tliet ġimgħat wara li tilef kontra Nick Kyrgios f’Washington u kontra Rafael Nadal f’Montreal.
Medvedev salva żewġ break points meta kien 5-4 fit-tieni set, qabel rebaħ l-erba’ punti ta’ wara, tlieta minnhom b’ace, biex għalaq il-logħba. Wara l-logħba, Medvedev tenna s-sodisfazzjon li rebaħ wara żewġ finali mitlufa, f’dik li kienet is-16-il logħba tiegħu f’20 ġurnata.
Il-pressjoni uriet ftit fl-aħħar logħba meta Medvedev tefa’ r-racquet mal-art wara li tilef punt. Aktar kmieni, Goffin kien sforza tie-break meta kellu s-service u rebaħ punt wara li ż-żewġ tennisti baqgħu jwieġbu l-xulxin fit-tul. Iżda l-Belġjan tilef it-tie-break minħabba double-fault.
Medvedev li għeleb lis-sid numru wieħed tad-dinja Novak Djokovic fis-semifinali, qed jippjana li pawża qasira, qabel jibda l-Open tal-Istati Uniti ġimgħa oħra.
