Ir-raġel ta’ 33 sena residenti l-Pietà, għal xi raġuni, tilef il-kontroll tal-mutur tat-tip Honda u nqaleb.
Fuq il-post issejħet ambulanza minnufih li ħadet lill-vittma l-Isptar Mater Dei sabiex jingħata l-kura meħtieġa fejn imbagħad ġie ċċertifikat li qed isofri minn ġrieħi gravi.
L-inċident seħħ fi Triq il-Wied, Birkirkara għall-ħabta tal-4:45pm.
L-investigazzjonijiet tal-Pulizija għadhom għaddejjin.
