Il-President Amerikan Donald Trump ħassar żjara statali li kellu jagħmel fid-Danimarka.
Dan wara li l-Prim Ministru Daniża Mette Fredriksen iddeskriviet bħala “assurda” l-idea ta’ Trump li jixtri l-gżira ta’ Greenland.
Donald Trump ftit tal-jiem ilu kien ta’ x’jifhem li l-Istati Uniti riedet tixtri l-gżira li hija territorju Daniż.
Hu kellu jżur id-Danimakra nhar it-2 ta’ Settembru fuq stedina tar-Reġina Margrethe II .
Trump ħabbar li ħassar din iż-żjara permezz ta’ Tweet fejn qal li d-Danimarka hija post speċjali, iżda li wara l-kummeni tal-Prim Ministru tal-pajjiż fejn qalet li mhix interessati tiddiskuti l-bejgħ ta’ Greenland, hu kien se jħassar iż-żjara li kellu ppjanata.
Greenland, minbarra l-pożizzjoni strateġika tagħha, u t-turiżmu, hija wkoll art sinjura ferm fir-riżorsi naturali.
