Bradley Debono, żgħażugħ Furjaniż, ġie t-tieni fl-20 edizzjoni tat-Tra La La Music Festival li ttela’ ftit tal-jiem ilu fil-Maċedonja.
Il-ġurija fil-kummenti tagħhom qalu l-vuċi ta’ dan iż-żagħżugħ qabdithom il-bard bl-interpretazzjoni emozzjonali li Bradley kull darba wera fl-atti tiegħu.
Tul dan il-festival ipparteċipaw sitt kantanti Maltin u b’kollox kien hemm 90 kantant minn 21 pajjiż.
Malta kisbet żewġ suċċessi oħra fl-istess Festival hekk kif Chiara Magrin ingħatat il-premju tal-Best New Star filwaqt li Maya Sesay rebħet il-premju tal-aqwa wirja u ġiet mistiedna biex tattendi għal sezzjoni ta’ kant fil-belt ta’ Riga.
