Matul il-lejl ta’ bejn it-Tlieta u l-Erbgħa, f’Malta ġrat xi ħaġa rari ħafna, hekk kif Avultun Abjad (Egyptian Vulture) daħal Malta u qatta l-lejl kollu hawn. Dan ingħata l-isem ta’ Leonardo.
Avultuni Eġizzjani huma għasafar tal-priża kbar, b’panna ta’ aktar minn metru u nofs.
Din tant hi xi ħaġa rari, li tul is-snin f’Malta daħlu biss tliet Avultuni Bojod, bl-aħħar wieħed kien fl-2015. Iċ-Ċentru għar-Raptors fil-Periklu (CERM) jissorvelja l-proġett tal-introduzzjoni mill-ġdid ta’ dawn l-għasafar fl-Italja u hu l-istess wieħed li għalih kien jappartjeni l-Avultun Eġizzjan “Tobia”, lura fl-2015.
Din mhux biss hi xena rari f’pajjiżna, iżda anke fid-dinja għax dan l-għasfur sfortunatament jinsab f’riskju ta’ estinzjoni. Kien għalekk li dan l-għasfur ġie Malta – passi bogħod mill-Italja – fejn bħalissa għaddej programm biex jitkabbar in-numru tal-Avultun Abjad jikbru.
Il-programm Taljan ta’ konservazzjoni, li għalih jappartjeni dan l-għasfur, għandu l-għan li jżid in-numri tagħhom billi jrabbi l-Avulturi fil-magħluq u jeħlishom fl-ambjent naturali.
BirdLife Malta ħadet ħsieb lil dan l-għasfur matul il-lejl kollu u qed tkun f’kuntatt kontinwu mal-Italja, hekk kif l-Avultun issa mistenni jkompli bil-vjaġġ tiegħu.
Il-Pulizija tal-ALE għenu wkoll fl-għassa. Uħud mir-ritratti ppubblikati juru biċ-ċar l-apparat ta’ intraċċar bis-satellita mwaħħal fuq l-avult li qed juri l-vjaġġ tiegħu.
L-Avultun Eġizzjan hu magħruf ukoll bħala l- “Avultun Scavenger Abjad” jew “Tiġieġ tal-Fargħun”. Dawn jitjiebu prinċipalment bil-karriera, iżda huma opportunistiċi u jieklu mammiferi żgħar, għasafar, rettili u bajd ta’ għasafar oħra.
L-Avulturi Eġizzjani jużaw ukoll friegħi biex jirromblaw is-suf għall-użu fil-bejta tagħhom. Skont ir-rapporti, Leonardo kompla fuq il-vjaġġ migratorju tiegħu lejn l-Afrika.
