Tifel ta’ 14-il sena kellu jittieħed l-Isptar għall-kura wara inċident li seħħ għall-ħabta tal-ħamsa ta’ waranofsinhar fi Triq l-Għarriqin, li tagħti lejn l-Imdina.
L-ewwel indikazzjonijiet huma li t-tifel kien qed jilgħab ma xi tfal oħra meta waqa’ minn fuq scooter, tkaxkar mal-art u ħabat rasu.
Għal xi ħin it-tifel intilef minn sensieh u ngħata l-ewwel għajnuna minn grupp ta’ ħaddiema li kienu fuq xogħol fl-inħawi.
It-tifel instab li qed isofri minn ġrieħi gravi.
