Michael Schumacher jinsab konxju. Dan ħareġ wara li l-eks sewwieq tal-Formula 1, idaħħal l-isptar f’Pariġi għal trattament ġdid.
Iċ-champion tad-dinja seba’ darbiet, li f’Jannar li ġej jagħlaq 51 sena, ilu ma jidher fil-pubbliku mindu kellu inċident ikrah waqt li kien qed jiskijja fl-Alpi Franċiżi aktar minn ħames snin ilu.
Il-kundizzjoni tiegħu baqgħet waħda sigrieta u l-familjari ftit li xejn riedu jikkumentaw madankollu rapporti kkonfermaw li t-trattament li ngħata t-Tnejn li għadda, kien wieħed f’qalbu.
