GŻIRA UNITED……………. 1 SLIEMA WANDERERS……………… 1
Gżira: J. Haber, Z. Scerri, F. Barbosa, R. Soares, A. Oyama, G. Conti, N. Muscat, J. Corbalan (A. Cohen 17’), H. Kone (S. Borg 77’), M. Davis, J. de Assis
Sliema: J. Galea, A. Stelitano (A. Satariano 81’), K. Shaw, J.Cruz Gill, M. Sansone, M. Scerri, C. Pani, S. Miloskovic, S. Sow (J. Cleangelo Pereira 50’), J. Cisotti, J.P. Farrugia
Imwissija: A. Stelitano 12’, M. Scerri 33’ (S), A. Cohen 54’ (G)
Skorjaw: J. de Assis 28’ (G), J. Cisotti 90’ (S)
Referee: Ishmael Barbara
Assistenti Referees: Luke Portelli, Duncan Spencer
Il-Mument Plejer tal-logħba: Jefferson de Assis (Gżira United)
BOV Plejer tal-logħba: Jefferson de Assis (Gżira United)
Gżira United dehru resqin lejn l-ewwel rebħa tal-kampjonat iżda l-gowl lejn it-tmiem ta’ Juri Cisotti wassalhom biex minflok kisbu t-tielet draw konsekuttiv. It-tim ta’ Giovanni Tedesco kien ftit aħjar minn Sliema fl-ewwel taqsima u jista’ jitqies li l-gowl vantaġġ kien meritat, hekk kif saħansitra laqtu l-lasta darbtejn.
L-ewwel lasta li laqtu kienet fit-13-il minuta bi free-kick ta’ Hamed Kone jistampa mal-mimduda, bil-gowlkiper Jake Galea megħlub. Sliema ċans li setgħu skorjaw, l-ewwel fid-19-il minuta b’tentattiv ta’ Miloskovic li għadda ftit barra.
Okkażjoni oħra għal Sliema fis-27 minuta, b’Justin Haber joħroġ jimblokka fuq Seydou Sow fil-kaxxa, bil-ballun jerġa’ jispiċċa għand l-istess plejer bil-ballun jgħaddi barra. Ftit sekondi wara Gżira fetħu l-iskor. Kien l-eks plejer JEFFERSON DE ASSIS li b’azzjoni fuq ix-xellug, dar ma’ difensur u għeleb lil Jake Galea b’xutt minn tarf il-kaxxa.
Il-Gżirjani ħarġu jfittxu l-gowl fil-bidu tat-tieni taqsima, b’Martin Davis ikollu xutt imdawwar f’korner minn Jake Galea. Sliema għal ftit ma ġabux id-draw fit-63 minuta b’xutt minn qagħda ideali ta’ Juri Cisotti li għadda barra. L-istess Cisotti kellu tentattiv li għadda ftit barra fit-82 minuta u fuq in-naħa l-oħra Nikolai Muscat kellu xutt minn tarf il-kaxxa li wkoll spiċċa ftit barra.
Sliema kienu premjati tal-isforzi tagħhom fil-ħin miżjud meta minn kross fil-baxx ta’ Jean Paul Farrugia, kien JURI CISOTTI li xellef il-ballun wara Haber. Huma saħansitra setgħu rebħu l-logħba b’Jean Paul Farrugia jixxuttja barra b’Haber biss quddiemu.
