Ġie kkonfermat li d-90 immigrant li ġew salvati mill-gwardja tal-kosta Taljana, ddaħħlu Malta matul il-lejl. Dan hekk kif kompliet il-botta u risposta fl-aħħar sigħat bejn Malta u l-Italja rigward dan il-grupp ta’ immigranti li ħadd ma ried jieħu responsabbilta’ tagħhom, u li iżda spiċċaw jinġiebu fl-ibħra territorjali Maltin.
Il-każ żviluppa t-Tnejn filgħaxija meta l-AFM kienet qed tissorvelja lil dawn l-immigranti qrib Lampedusa. Fil-fatt, l-eqreb port għalihom kien propju dak fil-gżira Taljana.
Iżda jidher li s-suldati Taljani daħlu f’nofs din l-operazzjoni u ġabru lill-persuni li kienu f’diffikulta, bil-Guardia Costiera tgħid li d-90 immigrant kellhom jinġiebu lejn pajjiżna.
